Bakı. Trend:
Bakıda yol-nəqliyyat hadisəsi tıxaca səbəb olub.
Trend-in məlumatına görə, bu barədə Bakı Nəqliyyat Agentliyinin (BNA) Mətbuat Xidmətinin rəhbəri Mais Ağayev bildirib.
Onun sözlərinə görə, hadisə Tbilisi prospektindən 20 Yanvar dairəsi istiqamətində gedən yolda (İST Petrol yanacaqdoldurma məntəqəsinin qarşısında) baş verib:
"Nəticədə avtomobil yanıb. Əraziyə yanğınsöndürmə briqadaları cəlb edilib. Qəza səbəbindən yolda sıxlıq müşahidə olunur".