...

Baş Prokurorluq itkin düşmüş qızlarla bağlı məlumat yaydı

Hadisə Materials 20 İyun 2020 12:02
Baş Prokurorluq itkin düşmüş qızlarla bağlı məlumat yaydı

Trend-i buradan izləyin

Bakı. Trend:

İyunun 19-da axşam saatlarında paytaxt sakinləri 2004-cü il təvəllüdlü Alamə Kərimova, 2006-cı il təvəllüdlü İlahə Ələsgərova və 2010-cu il təvəllüdlü Səkinə Ələsgərovanın qonaq getdikləri Masallı rayonunun Şərəfə kəndi ərazisində itkin düşmələri ilə bağlı valideynləri tərəfindən hüquq-mühafizə orqanlarına müraciət daxil olmuşdur.

Baş Prokurorluğun Mətbuat xidmətindən Trend-ə verilən məlumata görə, araşdırma zamanı məlum olmuşdur ki, azyaşlılar qonaq getdikləri Masallı rayonunun Şərəfə kəndindən Bakı şəhərinə qayıtmaq qərarına gəlmiş, bu məqsədlə qızlar yola çıxaraq Bakı istiqamətinə gedən “Kamaz” markalı yük avtomobilinə minmişlər. Azyaşlılar paytaxta yaxınlaşarkən gecə 03 radələrində Salyan rayonu ərazisindəki polis postlarının birində aşkarlanaraq hüquq-mühafizə orqanlarının əməkdaşları tərəfindən valideynlərinə sağ-salamat təhvil verilmişlər.

İtkin düşmüş şəxslərdə hər hansı xəsarət və ya xəsarət izi, o cümlədən zorakılıq əlamətləri aşkar edilməmişdir.

Məqalədə:
Xəbər lenti

Xəbər lenti