...

Azərbaycanın tanınmış alimi dünyasını dəyişdi

Hadisə Materials 9 Dekabr 2020 15:40 (UTC +04:00)
Azərbaycanın tanınmış alimi dünyasını dəyişdi

Bakı. İlhamə İsabalayeva - Trend:

Neft-qaz və qaz-kondensat yataqlarının səmərəli işlənməsi üzrə tanınmış alim, “Şöhrət” ordenli, Əməkdar elm xadimi, Milli Neft Komitəsinin vitse-prezidenti, Azərbaycan Dövlət Neft və Sənaye Universitetinin (ADNSU) nəzdində Neftin, Qazın Geotexnoloji Problemləri və Kimya Elmi-Tədqiqat İnstitutunun direktoru, AMEA-nın müxbir üzvü Elmira Ramazanova ömrünün 86-cı ilində vəfat edib.

Trend-in məlumatına görə, Ramazanova Elmira Məmmədəmin qızı 28 oktyabr 1934-cü ildə Bakı şəhərində ziyalı ailəsində anadan olub. 1952-ci ildə 134 saylı orta məktəbi qızıl medalla bitirib. 1957-ci ildə Azərbaycan Sənaye İnstitutunun (indiki Azərbaycan Dövlət Neft və Sənaye Universiteti) Energetika fakültəsini fərqlənmə diplomu ilə başa vurub.

1992-ci ildən vəfatına kimi ADNSU-nun nəzdində Neftin, Qazın Geotexnoloji Problemləri və Kimya Elmi-Tədqiqat İnstitutunun direktoru vəzifəsində çalışıb.

O, Afina Milli Kapodistrian Universitetinin “Avrasiya”, eləcə də “Azərbaycan Neft Təsərrüfatı” jurnalının və “Vışka” qəzetinin redaksiya heyətinin, AMEA-nın Yer Elmləri Bölməsinin büro üzvü, həmçinin Azərbaycan Respublikasının Milli Neft Komitəsinin vitse-prezidenti idi.

Məqalədə:
Xəbər lenti

Xəbər lenti