...

Şəmkirdə xırdabuynuzlu heyvan oğurlamaqda şübhəli bilinən şəxslər saxlanılıb (FOTO)

Hadisə Materials 3 Dekabr 2021 16:03 (UTC +04:00)
Şəmkirdə xırdabuynuzlu heyvan oğurlamaqda şübhəli bilinən şəxslər saxlanılıb (FOTO)

Bakı. Trend:

Şəmkir rayon Polis Şöbəsinin və Daxili İşlər Nazirliyinin (DİN) Baş Cinayət Axtarışı İdarəsinin əməkdaşlarının birlikdə keçirdikləri əməliyyat-axtarış tədbirləri nəticəsində cari ilin noyabr ayının əvvəlində rayonun Yuxarı Seyfəli kəndində vətəndaşa məxsus 6 baş xırdabuynuzlu heyvanı oğurlamaqda şübhəli bilinən şəxslər saxlanılıb.

DİN-in Mətbuat Xidmətinin Gəncə regional qrupundan Trend-ə verilən məlumata görə, aparılan araşdırmalar nəticəsində məlum olub ki, əvvəllər məhkum olunmuş, Kəlbəcər rayon sakinləri - Kazım İsmayılov, Asiman Salehov və Haqverdi Xıdırov qabaqcadan əlbir olaraq vətəndaşa məxsus tövlənin arxa hasarını sökərək oradan ümumi dəyəri 1220 manat olan 6 baş xırdabuynuzlu heyvanı oğurlayıblar.

Saxlanılan şəxslər törətdiyi cinayət hadisəsini etiraf edərək, oğurladıqları heyvanları H.Xıdırova məxsus “Leksus” markalı avtomobil ilə Bərdə rayonuna apararaq satdıqlarını və əldə etdikləri pulları böldüklərini bildiriblər.

Saxlanılan şəxslərin digər analoji cinayət hadisələri törətdikləri istisna edilmədiyindən Şəmkir RPŞ-də zəruri-istintaq əməliyyat tədbirləri davam etdirilir.

Məqalədə:
Xəbər lenti

Xəbər lenti