Bakı. Trend:
Ötən ay dəm qazından zəhərlənmə səbəbi ilə Kliniki Tibbi Mərkəzin Toksikologiya şöbəsinə 4 nəfər yerləşdirilib.
Bu barədə Trend-in sorğusuna cavab olaraq Kliniki Tibbi Mərkəzin mətbuat katibi Ruzbeh Məmməd məlumat verib.
O bildirib ki, zəhərlənən şəxslərin hər birinə stasionar şəraitdə zəruri tibbi xidmətlər göstərilib.
"Müalicələri başa çatdıqdan sonra onlar evə buraxılıb", - deyə vurğulayıb.
Qeyd edək ki, 2024-cü il ərzində isə dəm qazından zəhərlənmə səbəbi ilə Kliniki Tibbi Mərkəzin Toksikologiya şöbəsinə 83 nəfər qəbul edilib.