Bakı. Trend:
Yevlax şəhərində ümumi sahəsi 320 m² olan ikimərtəbəli, 12 otaqlı evdə yanğın baş verib. Yanğın zamanı evin 7 otağının yanar konstruksiyaları 200 m² sahədə zərər görüb.
Trend xəbər verir ki, bu barədə Fövqəladə Hallar Nazirliyi (FHN) məlumat yayıb.
Yüksək temperaturdan dam örtüyünün taxta atmaları 7 m² sahədə qarsalanıb. Yanğın zamanı 1 nəfər tüstüdən zəhərlənib.
Evin digər hissələri və yaxınlıqdakı tikililər yanğından mühafizə olunub. Yanğın yanğından mühafizə bölmələri tərəfindən söndürülüb.