Bakı. Trend:
İsrail hərbi hava qüvvələri İranın İnqilab Keşikçiləri Korpusunun 2-ci PUA briqadasının komandanı Aminpur Cudakini zərərsizləşdirib.
Trend xəbər verir ki, bu barədə İsrail Müdafiə Qüvvələrinin (IDF) rəsmi “Telegram” kanalında məlumat yayılıb.
Məlumata görə, Cudaki iyunun 13-də sələfi Taher Pura zərərsizləşdirilməsindən sonra bu vəzifəyə təyin olunmuşdu.
İsrail tərəfi iddia edir ki, yeni komandan İranın cənub-qərbində yerləşən Əhvaz rayonunda İsrail ərazisinə yüzlərlə dron hücumunu kurasiya edib.
Xatırladaq ki, 13 iyun səhər saatlarında İsrail İrana hərbi hava zərbələr endirib. Zərbələr nəticəsində çoxlu sayda yüksək səviyyəli hərbçi, o cümlədən, İran Silahlı Qüvvələri Baş Qərargah rəisi Məhəmməd Baqeri, İran İslam İnqilabı Keşikçilər Korpusu (SEPAH) baş komandanı Hüseyn Salami, Xatəm Əl-Ənbiya Qərargahının komandanı Qulaməli Rəşid, 6 nüvə alimi və yüksək vəzifəli şəxslər ölüb.
Elə həmin günün axşamı, İran “Həqiqi Vəd III Əməliyyatı” ilə Israilə cavab verib: Tel-Əviv daxil olmaqla bir çox yerlərə yüzlərlə ballistik raket, pilotsuz uçuş aparatı buraxılıb, bu da mülki itkilərə və geniş-miqyaslı dağıntılara yol açıb.