Azərbaycan, Bakı / Trend , müxbir E.Hüseynli/ Ermənistan Silahlı Qüvvələrinin bölmələri dekabrın 16-da saat 13.15-dən dekabrın 17-i saat 00.40-dək fasilələrlə Xocavənd rayonu Kuropatkino kəndinin yaxınlığında yerləşən mövqelərdən, saat 17.50-dən dekabrın 17-i saat 01.00-dək fasilələrlə Ağdam rayonunun Cəvahirli kəndinin yaxınlığında yerləşən mövqelərdən, dekabrın 17-i saat 00.05-dən 00.30-dək Tərtər rayonunun Qapanlı kəndinin yaxınlığında yerləşən mövqelərindən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Bu barədə Azərbaycan Respublikasının Müdafiə Nazirliyinin mətbuat xidmətindən məlumat verilib.
Bütün hallarda cavab atəşilə düşmən susdurulub.
İtki yoxdur.