Azərbaycan, Bakı, 31 mart / Trend , müxbir E.Rüstəmov /
Britaniya qeyri-hökümət təşkilatı Links-in rəhbəri Dennis Sammut hesab edir ki, Türkiyə və Ermənistan arasında qurulmuş diplomatik münasibətlər və onların arasındakı sərhədlərin açılması Ermənistan-Azərbaycan, Dağlıq-Qarabağ probleminin həllinə və tərəflərin qarşıya qoyulmuş hədəfə tezliklə çatmasına kömək edəcək.
Avropa İttifaqının anonim yüksək vəzifəli məmuru ABŞ prezidenti Barak Obamanın Türkiyəyə apreldəki səfərindən sonra Türkiyə-Ermənistan sərhədlərinin açılmasına ümidini bildirib. Bu haqda informasiyanı Türkiyənin "Sabah" qəzeti yayıb.
Obama Türkiyəyə aprelin 5-7-də səfər edəcək.
"Türkiyə və Ermənistan münasibətlərində Qarabağ münaqişəsi ilə bağlı olmayan bir sıra həll olunmamış məsələlər var. Diplomatik münasibətlərin qurulması və sərhədlərin açılması region üçün vacib və müsbət hadisə olacaq və gec-tez regionun bütün ölkələri bundan səmərə götürəcəklər", - çərşənbə axşamı Trend -a elektron poçtla LINKS-in icraçı direktoru Sammut deyib.
"Türkiyə Ermənistanla diplomatik münasibətlərə malik olmadan Dağlıq-Qarabaq münaqişəsinin həllinə tam şəkildə yardımçı ola bilməz", - Sammut hesab edir.
İki Cənubi Qafqaz ölkəsi arasında münaqişə 1988-ci ildə Еrmənistanın Azərbaycana qarşı ərazi iddiası irəli sürməsi zəminində yaranıb. 1991-ci ilin dekabrında, Şuşa və Xocalı istisna olmaqla, Dağlıq Qarabağ Azərbaycanın nəzarətindən çıxıb. 1992-1993 - cü illərdə Şuşa, Xocalı və Dağlıq Qarabağa bitişik yeddi rayon işğal olunub.
1994 - cü ilin mayında tərəflər atəşkəs rеjiminə dair razılaşma əldə еdiblər вə о вaхtdan bəri, ATƏT-in Minsk Qrupunun himayəsi altında, Rusiya, Fransa вə ABŞ - ın həmsədrliyi ilə, hələ ki, nəticəsiz sülh danışıqları aparılır.
LINKS-in rəhbərinin fikrincə, Türkiyənin Qafqazdakı sabitlik və əməkdaşlıq təşəbbüsü Ankara bu region ölkələrindən biri ilə normal diplomatik münasibətlərə malik olmadan səmərəli şəkildə həyata keçirilə bilməz.
"Bununla yanaşı, sərhədlərin açılması Ermənistana manevr üçün məkan verəcək və onu Rusiyadan daha az asılı edəcək", - Sammut bildirib.
LINKS-in rəhbəri Azərbaycan potiloqlarını sərhədlərin açılması məsələsinə bugünkü reallıqları nəzərə almaqla yanaşmağa çağırıb.
Digər tərəfdən, Sammut hesab edir ki, bir sıra erməni mütəxəssisin fikirlərini də reallıqdan uzaq sayır. "Onlar hesab edirlər ki, Ermənistan Dağlıq-Qarabağ münaqişəsinin həllində hansısa irəliləyiş olmadan Azərbaycanla siyasi və iqtisadi, dost münasibətlərə malik ola bilər. Bu məntiqi deyil", - Sammut deyib.
