Azərbaycan, Bakı, 29 fevral /Trend, müxbir E.Mehdiyev/
Avropa İttifaqı Dağlıq Qarabağ münaqişəsinin həllinə dəstəyi gücləndirməyə hazırdır. Trend-in məlumatına görə, bunu çərşənbə günü keçirdiyi videokonfransda Aİ-nin genişlənmə və Avropa Qonşuluq Siyasəti üzrə komissarı Ştefan Füle deyib.
Füle ATƏT-in Minsk qrupuna dəstəyi gücləndirməyə hazır olduqlarını bildirib.
"Bu dəstək Şərq Tərəfdaşlığı prosesi çərçivəsində ola bilər", - o deyib.
Komissar qeyd edib ki, Avropa İttifaqı Azərbaycan və Ermənistan arasında qarşılıqlı etimadı gücləndirmək üçün tədbirlər həyata keçirməyə hazırdır.