Azərbaycan, Bakı, 23 aprel /Trend, müxbir E.İsmayılov/
Avropa İttifaqı (Aİ) Ermənistan-Azərbaycan, Dağlıq Qarabağ münaqişəsinin nizamlanmasına kömək etməyə hazırdır. Trend-in məlumatına görə, bunu Aİ-nin Bakıdakı nümayəndəliyinin rəhbəri Roland Kobia jurnalistlərə açıqlamasında bildirib.
"Avropa İttifaqı bir neçə dəfə münaqişə tərəflərinə öz köməyini təklif edib, xüsusilə də tərəflər arasında etibarın yaradılması məsələsində öz təkliflərini təqdim edib və indi cavab gözləyir", - Kobia deyib.
O qeyd edib ki, Aİ münaqişənin həlli ilə birbaşa məşğul olan ATƏT-in Minsk qrupuna daxil deyil, lakin təşkilat bu məsələdə öz köməyini göstərməyə hazırdır.