Azərbaycan, Bakı, 2 noyabr /Trend, müxbir E.Mehdiyev/
Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadənin təmas xəttində əsir düşmüş Ermənistan hərbçisi Akop İnciqulyanla görüşü zamanı erməni əsir üçüncü ölkəyə getmək istədiyini açıqlayıb. Bu barədə Trend-ə QMİ-dən məlumat verilib.
Əsir Ermənistan ordusunda işgəncələrə məruz qaldığını, Azərbaycanda ona çox yaxşı qayğı göstərildiyini bildirib.
Qeyd edək ki, noyabrın 1-də A.Paşazadə erməni katolikosu II Qareginin xahişi ilə erməni əsirlə görüşüb. Görüş zamanı QMİ sədri əsirdən ölkəsinə qayıdıb-qayıtmaması ilə bağlı fikrini öyrənib.
...