Azərbaycan, Bakı, 28 iyun /Trend, müxbir Elçin Mehdiyev/
"Regionda problemlərin olmasına baxmayaraq, Azərbaycan ATƏT qarşısında götürdüyü öhdəliklərə sadiq qalır. Buna baxmayarq, görüləsi işlər çoxdur və biz bundan sonra da əməkdaşlığı davam etdirməliyik". Trend-in məlumatına görə, bunu ATƏT Parlament Assambleyasının (PA) prezidenti, Monteneqro parlamentinin sədri Ranko Krivokapiç Bakıda ATƏT PA-nın 23-cü sessiyasının açılışı mərasimində çıxışında deyib.
R.Krivokapiç bildirib ki, təşkilat ATƏT məkanındakı münaqişələrin həllinə çalışır və bu istiqamətdə səylərini davam etdirir: "Hesab edirəm ki, Bakıda keçirilən bu tədbirdə bütün bunları ətraflı müzakirə edəcəyik və ümid edirəm ki, bütün məsələlər ATƏT-in Bakı bəyannaməsində öz əksini tapacaq".