Azərbaycan, Bakı, 28 oktyabr /Trend, müxbir Anaxanım Hidayətova/
Ermənistan-Azərbaycan, Dağlıq Qarabağ münaqişəsinin sülh yolu ilə nizamlanması bütün region üçün böyük əhəmiyyət kəsb edir. Trend-in məlumatına görə, bunu Bakıda olan ATƏT-in Minsk qrupunun amerikalı həmsədri Ceyms Uorlik deyib.
O, qeyd edib: "Biz gələcək nəsillər naminə sülhə nail olmalıyıq. Sülh hər iki xalqa fayda verəcək. Azərbaycan və Ermənistan xalqları bir-birini tanımaq üçün əlaqə yaratmalıdırlar".
Həmsədr əlavə edib: "Mən bizim ünvanımıza səsləndirilən tənqidləri anlayıram. Biz bu münaqişəni həll etmək üçün öz gücümüz daxilində hər şeyi edirik. Vacib olan bizim bəyanatlarımız deyil, dövlət başçılarının atdığı addımlardır".