Böyük Britaniya, London, 05 fevral / Trend , müxbir G.Əhmədova / Baxmayaraq ki, bütün beynəlxalq ictimaiyyət Kosovoya müstəqilliyin verilməsiyb separatizm zəmnində yaranan münaqişələrə presedent yaratmayacağını hesab edir, tanınmış Britaniya analitiki Anatol Liven bununla razı deyil.
"Kosovo və Dağlıq Qarabağ - fərqli münaqişələrdir, lakin onların eyni vaxtda muxtar vilayətlərdə separat münaqişə olduqlarından, bir regionda baş verənlər istər-istəməz digərinə təsir göstərəcək" - çərşənbə axşamı "Kings University"də Beynəlxalq əlaqələr və terrorizm şöbəsinin başçısı Liven Trend ə bildirib.
O hesab edir ki, Kosovo presedentini Dağlıq-Qarabağ münaqişəsinə də tətbiq etmək olar. "Niyə də yox? Demək asandır ki, hər münaqişənin spesifik şərtləri vər, lakin bunun hamısı bu fikri deyənlərdən asılıdır" - ekspert deyib.
1999-cu ildən Kosovo məmləkəti formal olaraq Serbiyanın tərkibindədir və BMT tərəfindən idarə olunur. Kosovo albanları bu məmləkətin müstəqilliyini tələb edirlər. Qərb məmləkətin müstəqilliyini tanımağa hazır olduğunu bildirib. Lakin Belqrad yalnız muxtariyyət verməyə hazırdır. Rusiya Belqradın BMT-nin nizamnaməsini pozaraq sərhədlərin yenidən bölünməsini istisna edən mövqeyini dəstəkləyib.
"Mən inanmıram ki, ruslar Dağlıq Qarabağ ermənilərini xüsusilə dəstəkləyəcək - bu Kosovo müstəqilliyinə birbaşa təsir göstərməyəcək. Lakin ermənilər, sözsüz ki, bundan ruhlanacaqlar" - Liven hesab edir.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.
SSRİ-nin dağılmasından sonra MDB ərazisində Dağlıq Qarabağla yanaşı, daha üç "donmuş münaqişə" var - Dnestryanı, Gürcüstan-Abxaziya və Gürcüstan-Osetiya münaqişələri.
Rusiyanın Kosovo müstəqilliyinə mane olmasını, Cənubi Osetiya və Abxaziya kimi separatçı rejimləri dəstəkləməsini şərh edən Liven iki əsas səbəb üzərində dayanıb: "Birinci, abxazlar və osetinlər ruslarla sıx əlaqədə olan Şimali Qafqaz xalqlarıdırlar. Əlbəttə, onlar Şimali Qafqazda artıq həyəcan istəmirlər. İkinci, ruslar gürcülərə nifrət bəsləyirlər və onlar üçün nəsə etmək istəmirlər, Azərbaycanla isə Rusiya yaxşı əlaqələr yaratmağa çalışır" - Liven deyib.
Mövcud dövlətin ərazi bütvövlüyünü qoruyaraq, insanların müstəqillik çağırışlarını və regional sabitliyi tarazlamağa çalışan Qərbin qarşılaşdığı çətinlikləri analiz edərək Liven deyib ki, bu, bir qədər gələcəkdə baş verənlərdən asılıdır. Onun sözlərinə görə, sülh danışıqları yolu ilə Kosovo Serbiyadan müstəqillik alsa, ABŞ-ın regiondakı siyasətini uğurlu və məqsədinə çatmış hesab etmək olar. "Kosovo müstəqilliyi Serbiya ilə ciddi qarşıdurmaya və mümkün olan alban separatizminin Serbiyanın özündə, sonra isə Makedoniyada yayılmasına gətirsə, o zaman əlbəttə ki, ABŞ-ın regiondakı siyasəti, 1999-cu ildə Kosovodakı müharibədən üzü bu yana, fəlakət kimi qəbul ediləcək. Lakin biz hələ bilmirik nə baş verəcək" - analitik deyib.
