Azərbaycan, Bakı, 23 fevral / Trend , müxbir A.Qasımova / "Beynəlxalq ictimaiyyət Kosovo presedentinə əsaslanmayaraq Ermənistan tərəfindən işğal olunan Azərbaycan ərazilərinin müstəqilliyini tanımayacaq" - tanınmış Amerika politoloqu Ariel Koen hesab edir. "Beynəlxalq ictimaiyyət Ermənistan tərəfindən Azərbaycan ərazilərinin işğalını qanunsuz sayır, Dağlıq Qarabağın müstəqillik əldə etmək cəhdlərini tanımır" - şənbə günü "Heritage Foundation" (ABŞ) analitik mərkəzin ali elmi əməkdaşı Koen Trend a deyib.
Fevralın 17-də Kosovo parlamenti ölkənin müstəqilliyi haqqında Bəyannaməni elan etdikdən sonra, ərazilərində separatçı münaqişələr olan ölkələr Kosovo müstəqilliyinin onların dövlətlərinin bütövlüyü üçün təhlükə ola biləcəyindən ehtiyat edirlər. Azərbaycanın Dağlıq Qarabağ regionu və bu əraziyə bitişik yeddi rayonu SSRİ-nin dağılması zamanı Ermənistan tərəfindən işğal edilib. Dağlıq Qarabağ müstəqillik əldə etmək istəyini bəyan edib, bu da dövlətlərin ərazi bütövlüyünün beynəlxalq prinsiplərinə ziddir.
"Məni ümid edirəm ki, Ermənistanın yeni seçilən prezidenti Serj Sarkisyan Kosovonun təhlükəli presedentini təqib etməyəcək" - Koen deyib. Onun sözlərinə görə, ABŞ və Avropa ilk olaraq bildiriblər ki, Kosovo məsələsi "xüsusi məsələdir". "Bir çox ölkələr başa düşürlər ki, biz Kosovo ilə dayanmasaq, bir çox milli azlıqlar müstəqillik tələb edəcəklər - kürdlərdən tutmuş Korsikoyadək. Cənubi Qafqaz regionunda isə bu, Abxaziya və Cənubi Osetiya olacaq" - analitik qeyd edib.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının 20%-i, yəni Dağlıq Qarabağ ərazisi və bu əraziyə bitişik 7 rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk Qrupunun himayəsi altında, Rusiya, Fransa və ABŞ-ın həmsədrliyi ilə hələ ki nəticəsiz sülh danışıqları aparılır.
Ermənistan prezidenti seçilməzdən əvvəl bu ölkənin baş naziri olan Sarkisyan "Reuters"ə müsahibəsində bəyan edib ki, Serbiya əyaləti Kosovonun müstəqilliyinin beynəlxalq ictimaiyyət tərəfindən tanınması Azərbaycanın nəzarətini geri qaytarmağa çalışdığı Dağlıq Qarabağın müstəqilliyinin tərəfdarlarına əlavə əsas verəcək.
1999-cu ildən Kosovo formal olaraq Serbiyanın tərkibindədir və BMT tərəfindən idarə olunur. evralın 17-də Kosovo parlamenti ölkənin müstəilliyi haqqında Bəyannaməni yekdilliklə
təsdiq edib.Təxminən 30 ölkə, o cümlədən ABŞ, Avropa İttifaqı, Almaniya, Fransa Kosovonun müstəqilliyini artıq tanıyıb. Belqrad ölkənin müstəqilliyini təsirsiz elan edən aktı tanıyıb. Rusiya bəyan edib ki, Kosovonun öz müstəqilliyini elan etməsi statusunun ləğv edilməsində təkid edəcək.
