Azərbaycan prezidenti İlham Əliyev Yunanıstanın Müstəqillik günü münasibəti ilə bu ölkənin prezidenti Karolos Papuliaııa təbrik məktubu ünvanlayıb.
"Hörmətli cənab prezident, ölkənizin milli bayramı - Müstəqillik günü münasibətilə Sizi və Sizin simanızda bütün xalqınızı səmimi qəlbdən təbrik edirəm. Ümidvaram ki, Azərbaycan-Yunanıstan dövlətlərarası münasibətləri bundan sonra da dostluq əlaqələrimizin, qarşılıqlı faydalı əməkdaşlığımızın möhkəmlənməsi üçün geniş meydan açacaqdır. Sizə möhkəm cansağlığı, işlərinizdə uğurlar, dost Yunanıstan xalqına əmin-amanlıq və firavanlıq arzulayıram" - deyə məktubda bildirilir.