Azərbaycan, Bakı, 02 iyul / Trend , müxbir E.Babayev/ Azərbaycanın Milli Qeyri-Hökumət Təşkilatları Forumu prezident seçkisində indiki dövlət başçı İlham Əliyevi dəstəkləmək niyyətində olduqlarını bildiriblər. "Sizin QHT sektoruna göstərdiyiniz diqqət prezident seçkisində bizim tərəfimizdən layiqincə qiymətləndiriləcək", Trend -un məlumatına görə, bu fikirlər Milli QHT Forumunun bu gün keçirilən VII qurultayında prezident İlham Əliyevə ünvanlanan müraciətdə yer alıb.
Trend -un arayışı: Milli QHT Forumunda 479 QHT təmsil olunub. Azərbaycanda prezident seçkisi oktyabrın 15-də keçiriləcək.
Azərbaycan prezidentinə göndərilən müraciətdə həmçinin son dövrlər QHT sektoruna göstərilən diqqət müsbət qiymətləndirilib. Qurultay iştirakçıları öz müraciətlərində xüsusilə prezident yanında QHT-rərə Dövlət Dəstəyi Şurasının yaradılmasını alqışlayıblar.
Məqalə müəllifi ilə əlaqə ünvanı: [email protected]