Azərbaycan,
Bakı, 04 iyul/ Trend , müxbir A.Əliyev/ Rusiya prezidenti Dmitri Medvedyevin
iyulun 4-də Azərbaycana rəsmi
səfəri başa çatıb. O, səhər saatlarında
Bakıdan Türkmənistana səfərə yola
düşüb.
Dünən RF prezidentinin köməkçisi Sergey Prixodko
Rusiya KİV-nə bildirib ki, Medvedyev Türkmənistan
prezidenti Qurbanqulu Berdıməhəmmədovla
görüş keçirəcək. Prezidentlərin
dialoqundan sonra iki ölkə nümayəndə
heyətlərinin iştirakı ilə
Rusiya-Türkmənistan danışıqları aparılacaq.
Səfər proqramı çərçivəsində ikitərəfli əməkdaşlığı fəallaşdıracaq sənədlərin imzalanması nəzərdə tutulub. Daha sonra rəhbərlər mətbuat qarşısında bəyanatla çıxış edəcəklər. Medvedyev Türkmənistanın ilk prezidenti Saparmurat Niyazovun muzeyində olacaq və Müstəqillik Abidəsi önünə əklil qoyacaq.
Səfərin ikinci günündə iki prezidentin Aşqabadda "KAMAZ" təlim-xidmət mərkəzinin açılış mərasimində iştirakı gözlənilir.
Rusiya prezidenti şənbə günü Aşqabaddan Qazaxıstana yola düşəcək.