Аzərbaycan, Bakı, 07 oktyabr / Trend / Oktyabrın 7-də Biləsuvarda Olimpiya - İdman Kompleksinin açılışı olub.
Mərasimə toplaşanlar Prezident İlham
Əliyevi və xanımı Mehriban Əliyevanı
səmimiyyətlə qarşılayıblar.
Dövlət başçısı Kompleksin
açılışını bildirən lenti kəsib.
6,5 hektar ərazidə yerləşən Kompleksin təməli 2007-ci ilin fevralında qoyulub, bu ilin sentyabrında tikinti başa çatdırılıb. Tikintinin gedişində burada hər ay, orta hesabla, 100 nəfər işləyib, onların orta aylıq əmək haqqı 350-400 manat təşkil edib.
Kompleksə tribunaları 910
tamaşaçı tutan əsas idman salonu, 25 metrlik
üzgüçülük hovuzu, müasir idman
avadanlığı quraşdırılmış kiçik
və böyük trenajor və məşq zalları,
şahmat otağı, stolüstü tennis salonu və
yardımçı otaqlar daxildir.
Yüz nəfərlik yeməkxanası olan Kompleksin ərazisində
50 yerlik mehmanxana, ikimərtəbəli iki kottec də inşa
olunub.
Мəqalə müəllifi
ilə əlaqə ünvanı: [email protected]