Azərbaycan, Bakı, 30 oktyabr/ Trend , müxbir A.Hüseynbala/ Azərbaycanda prezidentliyə keçmiş namizəd olan müxalif ət partyiaların sədrləri, millət vəkilləri Milli Məclisdə deputat fraksyiasının yaradılmasını mümkün hesab etmirlər.
"Parlamentdə müxalif siyasi hərəkatları təmsil edən millət vəkillərinin palitrası çox rəngarəngdir. Bu rəngarənglik ortaq məxrəclər tapılmasına mane olur", - cümə axşamı Trend - a Ümid Partiyasının sədri, prezidentliyə keçmiş namizəd İqbal Ağazadə bildirib.
Trend - un arayışı: Parlamentdə müxalifəti təmsil edən deputatların fraksiyasının yaradılması məsələsi bir neçə dəfə müzakirəyə çıxarılsa da, bu fikir hələ baş tutmayıb. Milli Məclisin Nizamnaməsinə görə, parlamentdə fraksiyanın yaradılması üçün ən azı 25 nəfər olmalıdır.
Ağazadənin fikrincə, parlamentdə təmsil olunan müxalif deputatların əməkdaşlıq edə biləcəyi bir neçə məsələ var. "Mən vaxtilə nə qədər müxalifətçilik etməsindən asılı olmayaraq, hamını bir yerə toplayıb indiyə qədər bir iş görməyin tərəfdarı idim. Təəssüf ki, niyyətim baş tutmadı", - Ümid Partiyasının sədri deyib.
"Parlamentdə müxalif siyasi hərəkatlardan olan millət vəkillərinin sayı az olduğundan, fraksyia yarada bilmərik", cümə axşamı Trend -a Böyük Quruluş Partiyasının (BQP) başqanı, prezidentliyə keçmiş namizəd Fazil Qəzənfəroğlu söyləyib.
"Prezidentliyə keçmiş namizəd kimi, İqbal Ağazadə və Bütöv Azərbaycan Xalq Cəbhəsi Partiyasının sədri Qüdrət Həsənquliyev və mən onsuz da fərdi şəkildə müxalifətin bütün yükünü çəkirik", - Qəzənfəroğlu qeyd edib.
BQP başqanının sözlərinə görə, parlamentdə müxalifəti təmsil edən millət vəkillərinin sayı 10 -11 nəfərdir. Bu da fraksiya yaradılması üçün kifayət deyil.
Məqalə müəllifi ilə əlaqə ünvanı: [email protected]
