Azərbaycan, Bakı, 19 noyabr/ Trend , müxbir A.Hüseynbala/ İranın Azərbaycandakı səfiri Demokratiya Uğrunda İttifaqda (DUİ) təmsil olunan müxalif partiyaların nümayəndələri ilə görüşəcək.
"Demokratiya Uğrunda İttifaqın iclasında bunu nəzərə alaraq İranın Azərbaycandakı səfirliyi qarşısında piket keçirilməsini təxirə salmışıq", - çərşənbə günü Trend -a DUİ-də təmsil olunan Azadlıq Partiyasının sədri Əhməd Oruc bildirib.
Trend -ın arayışı: Güney Azərbaycanda 35 milyona yaxın soydaşımız yaşayır. Son zamanlar İran hakimiyyət orqanlarının soydaşlarımıza qarşı apardığı repressiyalar, müxtəlif müddətlərə həbsxanalara salınanların işgəncələrə məruz qalması faktları çoxalıb.
Azərbaycanın müxalif partiyalarının birləşdiyi Demokratiya Uğrunda İttifaq (DUİ) iki həftə əvvəl İranın Azərbaycandakı səfirliyinə repressiyalarla bağlı açıqlama verilməsi üçün müraciət edib. Müraciətə cavab verilməsə, DUİ İranın Azərbaycandakı səfirliyi qarşısında piket keçirmək niyyətindədir.
Onun sözlərinə görə, İranın Azərbaycandakı səfirinin müavini Şeyx Qafuri DUİ-nin müraciətini aldıqların deyib: "Qafuri deyib ki, səfir Nasir Həmidezare yaxın günlərdə Cüney Azərbaycandakı repressiylarla bağlı ittifaqda təmsil olunan siyasi partiyaların nümayəndələri ilə görüşəcəyinə vəd verib", - Oruc vurğulayıb.
Azadlıq Partiyasının sədri deyib ki, DUİ-nin iclasında Güney Azərbaycandakı repressiyalar məsələsi yenidən müzakirə olunub: "Səfirin görüş vədi nəzərə alınaraq piketin vaxtının müəyyənləşdirilməsi məsələsi təxirə salınıb", - Oruc qeyd edib.
Orucun sözlərinə görə, piketin keçirilib-keçirilməməsi məsələsi İran səfiri ilə görüşün nəticəsindən asılı olacaq.
Məqalə müəllifi ilə əlaqə ünvanı: [email protected]
