Özbəkistan, Daşkənd, 18 mart / Trend , müxbir T.Jukov /
Bu gün Daşkənddə yerli vaxtla günorta saatlarınadək seçicilərin 43 faizi səs verib. Bu barədə Trend -a Azərbaycanın Özbəkistandakı səfirliyinin ikinci katibi Ramil Əkbərov məlumat verib.
Çərşənbə günü Azərbaycanda Konstitusiyanın 29 maddəsinə əlavə və dəyişikliklərin edilməsi məsələsi üzrə referendum keçirilir.
"Özbəkistanda - Daşkənddə bir seçki məntəqəsi açılıb ", - deyə Əkbərov bildirib.
Referenduma hazırlıq çərçivəsində Özbəkistanda müvəqqəti yaşayan vətəndaşların siyahısı tərtib olunub və seçki hüququ olan vətəndaşların konsul qeydiyyatı aparılıb.
"Özbəkistanda ümumilikdə 83 nəfər qeydiyyata alınıb", - deyə Əkbərov vurğulayıb.
Onun vürdiyi məlumata görə, Daşkənddə səsvermə yerli vaxt ilə səhər saat 8:00-da başlanıb və günorta saatlarınadək 36 nəfər səs verib.
Azərbaycan Konstitusiyası 1995-ci ildə qəbul olunub, 2002-ci ildə Əsas qanuna əlavə və dəyişikliklər edilib
Referendum günü vətəndaşlar saat 08:00-dan 19:00-dək səfirliklərdə açılmış seçki məntəqələrində səs verə bilərlər.
Məqalə müəllifi ilə əlaqə ünvanı: [email protected]