Azərbaycan, Bаkı, 15 aprel / Trend , müxbir A.Hüseynbala /
Azərbaycanın müxalif partiyalarının təmsil olunduğu hərəkatın bələdiyyə seçkilərində iştirakla bağlı müzakirəsi yarımçıq qalıb.
"Hərəkatın Sədrlər Şurasının iclasında məsələnin pariyalarda müzakirə olunması qərara alınıb", - çərşənbə günü Trend -a "Qarabağ və Respublika Uğrunda Hərəkat"da təmsil olunan Vətəndaş və İnkişaf Partiyasının (VİP) sədri Əli Əliyev bildirib.
Trend -un arayışı: Azərbaycanda bələdiyyə seçkisi 2009-cu ilin payızında, parlament seçkisi isə 2010-cu ilin payızında keçirilməlidir. Bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Əliyevin sözlərinə görə, hərəkatda təmsil olunan Müsavat Patiyasının bələdiyyə seçkilərində öz namizədlərini irəli sürmək niyyətinə baxmayaraq, məsələ yenidən müzakirə olunacaq. "Partiyalar arasındakı fikir müxtəlifliyi hər təşkilatın öz maraqlarını qoruması ilə bağlıdır. Referendumda ayrıca təşviqat qrupu yaratdığı kimi, Müsavatın yenə belə taktika seçəcəyi gözləniləndir", - VİP sədri əlavə edib.
Onun fikrincə, hərəkatda təmsil olunan partiyaların ümumi taktikası tam müəyyənləşmədiyindən, seçkilərdə hansı formada iştirak edəcəklərini indidən söyləmək olmaz. Əliyev deyib ki, VİP-in də üzvü olduğu "Azadlıq" blokunda da bələdiyyə seçkiləri ilə bağlı ciddi müzakirələr aparılmayıb. "Biz isə artıq bələdiyyə seçkilərində iştirak etmək niyyətində olan üzvlərimizin müəyyənləşdirilməsi prosesinə başlamışıq", - partiya sədri vurğulayıb.
VİP sədri namizədlərin müəyyənləşdirilməsindən daha çox seçkilərdə iştirak edib-etməmək məsələsinin daha aktual olduğunu bildirib. "Düşünürük ki, seçki komissiyalarının indiki tərkibdə qalması ilə seçkidə iştirakımızla uğur qazana bilməyəcəyik. Ona görə indidən hərəkatın təsisçiləri olan partiyaların seçkilərdə bir yerdə, yoxsa ayrı-ayrılıqda iştirak edəcəyini demək çətindir", - Əliyev qeyd edib.
Vətəndаş və Inkişаf Pаrtiyаsı 2006-cı ildə təsis оlunub. Həmin vахtı qədər bu pаrtiyаnın üzvləri Аzərbаyаn Milli Istiqlаl Pаrtiyаsındа (АMIP) təmsil оlunublаr. АMIP-də bаş vеrmiş pаrçаlаnmа nəticəsində Əli Əliyеvin tərəfdаrları öz qurultаylаrını kеçirərək VIP-i təsis еdiblər. VIP "Аzаdlıq" siyаsi blоkunun üzvüdür.
"Bələdiyyə seçkilərində həm partiyalarin ayrılıqda, həm də blok şəklində iştirakında problemlər var", - çərşənbə günü Trend -a "Qarabağ və Respublika Uğrunda Hərəkat"da təmsil olunan Azərbaycan Demokrat Partiyasının (ADP) sədri Sərdar Cəlaloğlu bildirib.
Onun sözlərinə görə, bir nəfərin namizədliyinin irəli sürülməsi üçün ən azı 50 səhifəlik sənəd hazırlamaq lazımdır. "Hərəkatda altı partiya təmsil olunur. Seçkilərdə blok şəklində iştirak etmək üçün isə ən azı bələdiyyələrin yarısında namizəd irəli sürməyə ehtiyac var. Bu o deməkdir ki, Azərbaycanda fəaliyyət göstərən 2800-ə yaxın bələdiyyənin 1400-nə namizəd irəli sürməli və hər namizəd üçün isə 50 səhifəlik sənəd hazırlamalıyıq. Bizim bu qədər kağızın pulunu ödəməyə imkanımız yoxdur", - Cəlaloğlu qeyd edib.
ADP sədrinin fikrincə, partiyaların seçkilərdə ayrılıqda iştirakı ilə bağlı problem bələdiyyələrin yarıdan çoxunun ölkənin ən ucqar dağ kəndlərində fəaliyyət göstərməsi ilə bağlıdır. "Siyasi partiyalar adətən rayon mərkəzlərində, əhalinin sıx yaşadığı ərazilərdə təbliğat aparırlar. Ona görə də bizim azsaylı ev olan kəndlərdə bələdiyyələrə namizədlərimizi irəli sürməyimiz real deyil", - Cəlaloğlu vurğulayıb.
Partiya sədri deyib ki, bu məsələləri ciddi müzakirə etmədən hərəkatın bələdiyyə seçkilərində blok şəklində, yoxsa hər partiyanın ayrılıqda iştirakını qəti söyləmək olmaz. "Müzakirələrin nəticəsində hərəkat seçkiyə daxil olan partiyaların bloku kimi də fəaliyyət göstərə bilər", - Cəlaloğlu bildirib.
"Qarabağ və Respublika Uğrunda Hərəkat"ı Azərbaycan Xalq Cəbhəsi, Vətəndaş və İnkişaf, Liberal, Demokrat, Müsavat və Ümid partiyaları, eləcə də bir neçə ictimai təşkilat təsis edib.
Sаğ təmаyüllü partiya olan ADP 1991-ci ildə Cəlaloğlu tərəfindən təsis edilib. Partiya 2007-ci ilin yanvarınadək iqtidara qarşu radikal müxalif mövqedə olub. 2008-ci ilin yanvarında ADP-nin hakimiyyətlə dialoq qurulmasu ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarları ADP-dən imtina edərək özlərinin Açıq Cəmiyyət Partiyasını yaradıblar.
Məqalə müəllifi ilə əlaqə ünvanı:[email protected]
