Azərbaycan, Bakı, 28 avqust / Trend , müxbir C.Babayeva /
Azərbaycan Mərkəzi Seçki Komissiyası (MSK) müxalif hərəkatın Seçki Məcəlləsinin bəzi maddələrinə şərh verilməsi ilə bağlı müraciətini cavabsız qoya bilər.
"Mərkəzi Seçki Komissiyasının qanuna şərh vermək hüququ yoxdur. Bu hüquq Konstitusiya Məhkəməsi və qanunu qəbul edən orqana məxsusdur", - cümə günü Trend -a MSK katibi Natiq Məmmədov bildirib.
Trend -un arayışı: Azərbaycanın müxalif Qarabağ və Respublika Uğrunda Hərəkatı Seçki Məcəlləsinin bəzi maddələrınə şərh verilməsi ilə bağlı MSK-ya müraciət edəcək. Hərəkatda Azərbaycan Xalq Cəbhəsi, Vətəndaş və İnkişaf, Liberal, Müsavat, Demokrat, Ümid partiyaları və bir neçə ictimai təşkilat təmsil olunur.
Azərbaycanda bələdiyyə seçkisinin bu ilin dekabrın ortalarında keçirilməsi gözlənilir.
Məmmədovun sözlərinə görə, müxalif hərəkatın müraciəti Mərkəzi Seçki Komissiyasına daxil olandan sonra bu məsələ ilə bağlı geniş şərh vermək mümkün olacaq.
Məqalə müəllifi ilə əlaqə ünvanı: [email protected]
