Azərbaycan, Bakı, 14 oktyabr / Trend , müxbir A..Hüseynbala/
"Bizim bununla bağlı apardığımız təşviqat kampaniyası nəticəsində bələdiyyə üzvlüyünə namizədlərimizin sayı kifayət qədər artırılıb", - Trend -un məlumatına görə, çərşənbə günü jurnalistlərə hakim Yeni Azərbaycan Partiyasının (YAP) sədr müavini, icra katibi Əli Əhmədov bildirib.
Trend -un arayışı: Azərbaycanda bələdiyyə seçkisi dekabrın 23-də keçiriləcək. 1718 bələdiyyəyə 15682 bələdiyyə üzvünün seçilməsi nəzərdə tutulur.
Azərbaycanda bundan əvvəl iki dəfə - 1999 və 2004-cü illərdə yerli özünüidarəetmə orqanlarına seçkilər keçirilib.
Əhmədovun sözlərinə görə, gənclərin və qadınların indiyədək bələdiyyələrdə az təmsil olunması onların Azərbaycanın ictiami həyatında tutduğu yerə və demoqrafik xüsusiyyətinə və çəkisinə uyğun gəlmirdi. "Biz çalışacağıq ki, seçki kampaniyası zamanı irəli sürülən bu namizədlərin bələdiyyə üzvlüyünə seçilmələrini təmin edə bilək", - hakim partiya funksioneri bildirib.
YAP 1992-ci ildə о vаxt Naxçıvan Ali Məclisinin sədri olan Heydər Əliyev tərəfindən yaradılıb. Azərbaycanda 16 ildir hakim partiya olan YAP-ın indiki sədri prezident İlham Əliyevdir.
Məqalə müəllifi ilə əlaqə ünvanı: [email protected]