Azərbaycan, Bakı, 19 noyabr / Trend , müxbir S.Ağayeva/
Azərbaycan və Çexiya arasında gələn həftə Praqada strateji tərəfdaşlıq haqqında danışıqlar aparılacaq. Bu barədə Azərbaycanın Çexiyadakı səfiri Tahir Tağızadə cümə axşamı Trend -a bildirib.
"Danışıqlar Azərbaycan xarici işlər nazirinin müavini Xələf Xələfovun gələn həftə Praqaya səfəri çərçivəsində keçiriləcək", - diplomat deyib.
"Tərəflər ikitərəfli və regional əməkdaşlığın perspektivlərini müzakirə edəcəklər. Hazırda nazir müavininin görüşlərinin proqramı hazırlanır", - Tağızadə qeyd edib.
Azərbaycan Dövlət Statistika Komitəsinin məlumatına görə, iki ölkə arasında əmtəə dövriyyəsi 2009-cu ilin yanvar-sentyabr aylarında 21,2 milyon dollar təşkil edib.
Məqalə müəllifi ilə əlaqə ünvanı: [email protected]