...

Türkiyədə Heydər Əliyev Mərkəzinin yaradılması təklifi irəli sürülüb

Siyasət Materials 20 May 2010 14:15 (UTC +04:00)
May ayının 18-də İstanbulda Hidayət Orucovun türk dilində yenicə çapdan çıxmış "Heydər Əliyev və Azərbaycanda milli siyasət" kitabının təqdimat mərasimi keçirilib. Tədbir başlanmazdan əvvəl dünyaşöhrətli siyasətçinin xatirəsi birdəqiqəlik sükutla yad olunub, "Heydər Əliyev. O, Azərbaycan deməkdir" adlı sənədli film nümayiş etdirilib.

Trend-i buradan izləyin

Azərbaycan, Bakı, 20 may /Trend, müxbir A.Hüseynbala/

Türkiyədə Heydər Əliyev Mərkəzinin yaradılması təklifi irəli sürülüb.

May ayının 18-də İstanbulda Hidayət Orucovun türk dilində yenicə çapdan çıxmış "Heydər Əliyev və Azərbaycanda milli siyasət" kitabının təqdimat mərasimi keçirilib. Tədbir başlanmazdan əvvəl dünyaşöhrətli siyasətçinin xatirəsi birdəqiqəlik sükutla yad olunub, "Heydər Əliyev. O, Azərbaycan deməkdir" adlı sənədli film nümayiş etdirilib.

Tədbirdə çıxış edən elm, təhsil, mədəniyyət və siyasət xadimləri Bakıda Mustafa Kamal Atatürkün heykəlinin açılmasını ölkələrimiz və millətlərimizin mənəvi bağlılığının vəfa borcu kimi qiymətləndirib, Türkiyədə Heydər Əliyev Mərkəzinin yaradılması barədə təklif irəli sürüblər.

Tədbirdə çıxış edən dialoq-Avrasiya platformunun rəhbəri Harun Tokak, Azərbaycanda Atatürk Mərkəzinin sədri, millət vəkili Nizami Cəfərov, Heydər Əliyev Fondunun Türkiyə təmsilçisi Samir Cəfərov, İstanbulun millət vəkili Mehmet Müəzzinoğlu, maarif xadimi Əli Bayram, Azərbaycanda "Çağ - Öyrətim" Şirkətlər Qrupunun prezidenti Ənvər Özərən, Türkiyə - Azərbaycan Dərnəkləri Federasiyasının rəhbəri Bilal Dündar, professorlar İdris Bal, Əbdülvahab Kara və Gökxan Bacık, Mərmərə Vəqflər Qrupunun rəhbəri Akkan Sünər, sabiq millət vəkili Şamil Ayrım və başqaları çıxış edərək, keçən əsrin 60-ci illərindən başlayaraq, Azərbaycan kontekstində "sovet ideologiyası və millilik" məsələlərini görkəmli şəxsiyyətin siyasi bioqrafiyasında işıqlandıran kitabın elmi-mənəvi dəyərini və türk dilinə səlis tərcüməsini yüksək qiymətləndiriblər.

Kitabın müəllifi Hidayət Orucov Türkiyə ilə Azərbaycan arasındakı qardaşlıq əlaqələrinin yaranmasında ulu öndər Heydər Əliyevin misilsiz xidmətlər göstərdiyini xatırladıb, Azərbaycan Prezidenti İlham Əliyevin ölkələrimiz arasındakı münasibətlərin bügünkü inkişafında rolunu xüsusi qeyd edib.

Xəbər lenti

Xəbər lenti