...

Azərbaycanın müxalif partiyaları arasında 80-ə yaxın dairədə vahid namizədlərin siyahısı tutula bilər

Siyasət Materials 16 Avqust 2010 18:44 (UTC +04:00)
Azərbaycanın müxalif "Müsavat" və və Xalq Cəbhəsi partiyaları həftə ərzində 80-ə yaxın dairədə vahid namizədin irəli sürülməsi ilə bağlı razılığa gələ bilər.

Azərbaycan, Bakı, 16 avqust /Trend, müxbir T.Hacıyev/

Azərbaycanın müxalif "Müsavat" və və Xalq Cəbhəsi partiyaları həftə ərzində 80-ə yaxın dairədə vahid namizədin irəli sürülməsi ilə bağlı razılığa gələ bilər. Bu barədə bazar ertəsi Trend-ə "Müsavat" partiyasının mərkəzi icra aparatının rəhbəri Arif Hacılı bildirib.

"Müsavat" Divanının bu gün keçirilən iclasında əsas müzakirələr AXCP ilə seçki dairələrinin razılaşdırlması ilə bağlı aparıldı. Biz çalışacağıq ki, həftə ərzində müzakirələrin ciddi sürətdə inkişafına və dairələrin əksəriyyətində namizədlərin müəyyənləşməsinə nail olaq və razılaşdırılmış dairələrin sayını artıraq. Bu həftə razılaşdırılmış dairələrin sayının 80-ə qədər artması ehtimalı kifayət qədər yüksəkdir", - Hacılı əlavə edib.

İyulun 15-də AXCP-nin yaranmasının 21 illiyinə həsr olunmuş tədbirdə "Müsavat" başqanı İsa Qəmbər AXCP ilə "Müsavat"ın birləşərək bir partiya olmasını təklif edib. Hazırda hər iki partiyanın Parlament seçkilərində blok şəklində iştirakı üçün danışıqlar davam etdirilir.

Azərbaycanda Parlament seçkilərinin 2010-cu ilin noyabr ayının 7-də keçiriləcəyi gözlənilir. Bundanəvvəlki seçkilər 2005-ci ilin noyabr ayında keçirilib. Azərbaycanda Parlament seçkiləri majoritar sistem üzrə 125 seçki dairəsində keçirilir.

Xəbər lenti

Xəbər lenti