Azərbaycan, Bakı, 20 avqust /Trend, müxbir T.Hacıyev/
Azərbaycanın müxalif Xalq Cəbhəsi Partiyası qurultay keçirilməsi üçün təklif olunan "Təbriz" kitnoteatrının icarəhaqqı məsələsində razılığa gələ bilmir.
"Bu gün klubun rəhbərliyi ilə görüş keçirdik. Onlar icarəhaqqı ilə bağlı təklif etdikləri qiyməti təqdim etdilər. Lakin bununla bağlı razılıq əldə edə bilməmişik. Razılıq əldə olunandan sonra müqaviləni imzalayacağıq", - bu barədə cümə günü Trend-ə açıqlamasında AXCP-nin sədr müavini Nurəddin Məmmədli bildirib.
AXCP qurultay keçirməyə hazırlaşır. Daha öncə qurultayın vaxtı avqustun 21-nə təyin olunsa da, qurultayın keçirilməsi üçün yer olmadığına görə, qeyri-müəyyən müddətə təxirə salınıb. Avqustun 18-də Nizami Rayon İcra Hakimiyyəti tərəfindən tədbirin keçirilməsi üçün "Təbriz" kinoteatrı təklif olunub.
