Azərbaycan Prezidenti İlham Əliyev şənbə günü Azərbaycan Respublikası Xüsusi Dövlət Mühafizə Xidmətinin bir sıra hərbi qulluqçusunun təltif edilməsi haqqında sərəncam imzalayıb. Məlumatı AzərTAc dövlət informasiya agentliyi yayıb.
Sərəncama əsasən, xidməti vəzifələrini yerinə yetirərkən əldə etdikləri yüksək nailiyyətlərə görə və Azərbaycan Respublikası Xüsusi Dövlət Mühafizə Xidmətinin əməkdaşlarının peşə bayramı günü münasibətilə Xüsusi Dövlət Mühafizə Xidmətinin aşağıdakı hərbi qulluqçuları təltif edilib:
2-ci dərəcəli "Vətənə xidmətə görə" ordeni ilə:
Eyyubov Bəylər Həsən oğlu - general-leytenant
"Vətən uğrunda" medalı ilə:
Abbasov Ədalət Hekayət oğlu - polkovnik-leytenant
Hüseynov Adil Hüseynağa oğlu - polkovnik-leytenant
İbrahimov Mircəlal Cəfərağa oğlu - polkovnik-leytenant
Həmzəyev Rəşad Firidun oğlu - mayor
"İgidliyə görə" medalı ilə:
Aslanzadə Ülvi Mirzəli oğlu - mayor
Babayev Rafiq Baba Əli oğlu - mayor
Məmmədov Şahlar Tahir oğlu - mayor
Əhmədov Ramin İbrahim oğlu - kapitan
Əliyev Anar Vilayət oğlu - kapitan
Tağıyev Məhərrəm Mükafat oğlu - kapitan
"Hərbi xidmətlərə görə" medalı ilə:
Süleymanov Rauf Gülağa oğlu - polkovnik-leytenant
Qasımov Aydın Bəndəli oğlu - polkovnik-leytenant
Həmidov Elşad Belal oğlu - tibb xidməti polkovnik-leytenantı
Məlikov Rizvan Rasim oğlu - baş leytenant
Balabanova Qalina Petrovna - gizir
Behbudov Nöfəl Arif oğlu - gizir
Ədilov Rövşən Nüsrəddin oğlu - kiçik gizir
Babayev İslam Nəriman oğlu - baş çavuş
Dövlət başçısının digər sərəncamı ilə Xüsusi Dövlət Mühafizə Xidmətinin Müfəttiş-təşkilat idarəsinin rəisi Vüsal Sabir oğlu Rzayevə general-mayor ali hərbi rütbəsi verilib.