Azərbaycan, Bakı, 3 fevral /Trend /
Cari ilin 2 fevral tarixində Xarici İşlər Naziri Elmar Məmmədyarov Münhen Təhlükəsizlik Konfransında iştirakı çərçivəsində ABŞ-ın beynəlxalq enerji məsələləri üzrə xüsusi elçisi və əlaqələndiricisi səfir Karlos Paskual ilə görüşmüşdür.
Görüşdə regionda həyata keçirilən enerji layihələri ətrafında fikir mübadiləsi aparılmış və Avropanın enerji təhlükəsizliyinin təmin olunmasında Azərbaycanın rolu vurğulanmışdır. Bu çərçivədə Cənub Dəhlizinin xüsusi əhəmiyyəti qeyd edilmişdir.
Görüş zamanı həmçinin, regional məsələlər ətrafında fikir mübadiləsi aparılmışdır.