Azərbaycan, Bakı, 12 sentyabr /Trend, müxbir S.Əhmədova/
Avropa Parlamenti Azərbaycanda keçiriləcək prezident seçkilərini izləmək üçün oktyabrın 6-da qısamüddətli müşahidə missiyasını Bakıya göndərəcək. Bu barədə Avropa Parlamentindən Trend-ə məlumat verilib.
Məlumata görə, qısamüddətli müşahidə missiyasına Avropa Parlamentinin 7 üzvü və onların köməkçiləri daxil olacaq.
Müşahidə missiyası oktyabrın 10-u ölkəni tərk edəcək.
Avropa Parlamentindən qısamüddətli müşahidə missiyasının Bakıya səfəri və digər məsələlərlə bağlı bu gün qərar qəbul edilib.
Qeyd edək ki, Azərbaycanda prezident seçkiləri oktyabrın 9-da keçiriləcək.