Türkiyə XİN: Əhməd Davudoğlunun Ermənistana gedəcəyi hələ bəlli deyil
Azərbaycan, Bakı, 20 noyabr /Trend, müxbir R.Hafizoğlu/
Türkiyənin xarici işlər naziri Əhməd Davudoğlunun dekabrın 12-də Yerevanda keçiriləcək Qara Dəniz İqtisadi Əməkdaşlıq Şurasının toplantısına gedəcəyi hələ ki bəlli deyil. Bu barədə Trend-ə açıqlamasında Türkiyə XİN rəhbərinin müşaviri Osman Sərt bildirib.
XİN rəsmisi bildirib ki, hazırda Davudoğlunun Yerevana səfəri dəyərləndirilmə mərhələsindədir.
O.Sərt qeyd edib ki, xarici işlər nazirinin Yerevana dəvət olunması xüsusi dəvət deyil və Türkiyə XİN-in rəhbəri kimi, quruma daxil olan ölkələrin XİN rəhbərləri də dəvət alıblar.
