Azərbaycan, Bakı, 22 oktyabr /Trend, müxbir Səbinə Əhmədova/
Avropa İttifaqının Azərbaycandakı nümayəndəsi Azərbaycan və Ermənistan prezidentlərinin Parisdə keçirilməsi planlaşdırılan görüşünün vacibliyini vurğulayıb.
Trend xəbər verir ki, Aİ-nin Azərbaycandakı nümayəndəsi Malena Mard jurnalistlərə bildirib: "Hesab edirəm ki, Azərbaycan və Ermənistan prezidentlərinin Parisdə gözlənilən görüşü müsbət addımdır. Bu kimi yüksəksəviyyəli görüşlərin keçirilməsi son dərəcə vacibdir. Bizim gözləntilərimiz hazırkı status-kvonun dəyişdirilməsi üçün irəliyə doğru addımların atılmasıdır".