Bakı. Anaxanım Hidayətova - Trend:
Azərbaycan beynəlxalq arenada mədəniyyətlər arasında dialoqu inkişaf etdirən, sülh və təhlükəsizlik naminə çalışan böyük iştirakçı dövlətdir.
Trend-in məlumatına görə, bunu Bakıda jurnalistlərə İslam Təhsil, Elm və Mədəniyyət Təşkilatının (İSESKO) baş katibi Əbdüləziz bin Osman əl-Tüveyrci deyib.
Onun sözlərinə görə, Azərbaycan tolerantlıq, müxtəlif mədəniyyət və xalqların sülh şəraitində birgəyaşayışı ideyalarını inkişaf etdirməyə kömək edir.
Baş katib düşünür ki, Azərbaycan bu imici rəhbərliyin müdrik fəaliyyəti sayəsində qazanıb: "Bakı mühüm tədbirlərin, konfrans və forumların keçirilməsi üçün platformaya çevirlib".