...

Deputat: Ollandın bu bəyanatı Fransanın həmsədr kimi obyektivliyini şübhə altına qoyur

Siyasət Materials 11 Fevral 2017 16:58 (UTC +04:00)
Fransa Perzidenti Fransua Ollandın erməni icması ilə görüşündə Dağlıq Qarabağ münaqişəsinin həllində xalqların öz müqəddaratını təyinetmə prinsipinin əsas götürülməsi barədə səsləndirdiyi fikir erməni lobbisinin təsiri altında sərgilənən mövqedir.
Deputat: Ollandın bu bəyanatı Fransanın həmsədr kimi obyektivliyini şübhə altına qoyur

Bakı. Elçin Mehdiyev - Trend:

Fransa Prezidenti Fransua Ollandın erməni icması ilə görüşündə Dağlıq Qarabağ münaqişəsinin həllində xalqların öz müqəddəratını təyinetmə prinsipinin əsas götürülməsi barədə səsləndirdiyi fikir erməni lobbisinin təsiri altında sərgilənən mövqedir.

Bunu Trend-ə Milli Məclisin deputatı Rövşən Rzayev deyib.

R.Rzayev bildirib ki, beynəlxalq hüquq prinsiplərinin əsas məramı dövlətin ərazi bütövlüyünün pozulmamasıdır: “Bu birmənalıdır. Ollandın səsləndirdiyi fikir isə erməni lobbisinin təsiri altında deyilib və onların dəstəyini qazanmaq məsqədi daşıyır. Təəssüf edirəm ki, ATƏT-in Minsk qrupunun həmsədri olan Fransa prezidenti bu cür qeyri-obyektiv mövqe ortalığa qoyur”.

Deputat vurğulayıb ki, bu eyni zamanda Fransanın Minsk qrupunun həmsədri kimi obyektivliyini şübhə altına qoyur.

Qeyd edək ki, Fransa prezidenti Fransua Olland erməni diasporunun üzvləri ilə görüşdə bildirib ki, "Madrid prinsipləri" tətbiqi olunarkən Dağlıq Qarabağ erməniləri özləri öz müqəddəratını müəyyən etməlidirlər.

Xəbər lenti

Xəbər lenti