Bakı. Yelena Kosolapova - Trend:
Əgər BMT Təhlükəsizlik Şurasının Dağlıq Qarabağla bağlı qətnamələri icra olunmazsa, regionda əvvəlki kimi dinc sakinlər arasında qurbanlar olacaq.
Bunu Trend-ə Böyük Britaniyanın Transatlantika və Qafqaz Tədqiqatları İnstitutunun direktoru Ziba Norman deyib.
Onun sözlərinə görə, BMT-nin çoxsaylı qətnamələri var və onlara əməl olunmalıdır.
Qeyd edək ki, iyulun 4-də axşam saatlarında erməni silahlı birləşmələri Füzuli rayonunun Alıxanlı kəndini minaatanlardan atəşə tutub. Təxribat nəticəsində Alxanlı kənd sakinləri - 1966-cı il təvəllüdlü Quliyeva Sahibə İdris qızı və onun nəvəsi 2016-cı il təvəllüdlü Quliyeva Zəhra Elnur qızı həlak olub, 1965-ci il təvəllüdlü Quliyeva Sərvinaz İltifat qızı isə ağır yaralanıb.