...

"Cənub Qaz Dəhlizi" uzun müddət Avropanın enerji təhlükəsizliyini dəstəkləyəcək - ABŞ səfiri

Siyasət Materials 10 Sentyabr 2021 13:37 (UTC +04:00)
"Cənub Qaz Dəhlizi" uzun müddət Avropanın enerji təhlükəsizliyini dəstəkləyəcək - ABŞ səfiri

Trend-i buradan izləyin

Bakı. Fəxri Vəkilov - Trend:

Qarşıdakı onilliklər ərzində Avropanın enerji təhlükəsizliyini dəstəkləyəcək "Cənub Qaz Dəhlizi"nin tikintisinin başa çatması ilə əlaqədar Azərbaycanı təbrik edirəm.

Trend-in məlumatına görə, bunu ABŞ-ın Azərbaycandakı səfiri Li Litsenberger Qafqaz Regional Enerji Təhlükəsizliyi Simpoziumunun bağlanış mərasimində deyib.

O bildirib ki, ABŞ "Cənub Qaz Dəhlizi" layihəsini və bir çox Avropa ölkəsinə tədarükün genişləndirilməsi üzrə Azərbaycanın səylərini dəstəkləyir: "Bu, həm Avropa üçün, həm də Azərbaycan üçün müsbət haldır".

Qeyd edək ki, sentyabrın 6-dan 10-dək ADA Universitetində Avropa İttifaqı üzrə Bilik Mərkəzi, ABŞ Hərbi Dəniz Donanması Ali Məktəbi, NATO Enerji Təhlükəsizliyi Mərkəzi, “bp Azerbaijan” və SOCAR-ın birgə əməkdaşlığı ilə Regional Enerji Təhlükəsizliyi Simpoziumu keçirilib.

Твиттер: @vakilovfaxri

(Tərcümə: Orxan Nəbiyev)

Məqalədə:
Xəbər lenti

Xəbər lenti