...

Nizami Gəncəvi Beynəlxalq Mərkəzi IX Qlobal Bakı Forumuna hazırlığı müzakirə edib

Siyasət Materials 11 Aprel 2022 08:56 (UTC +04:00)
Nizami Gəncəvi Beynəlxalq Mərkəzi IX Qlobal Bakı Forumuna hazırlığı  müzakirə edib

Bakı. Trend:

Nizami Gəncəvi Beynəlxalq Mərkəzi Afina şəhərində XXIII Ali Səviyyəli toplantısını və IX Qlobal Bakı Forumuna hazırlıq müzakirəsini keçirib.

"Qlobal Dünya Nizamının yaşadığı çətinliklər: Necə irəliliyə bilərik?" başlığı ilə keçirilən XXIII Ali Səviyyəli Toplantıda "Multilateralizm ölürmü? Qlobal Təhlükəsizlik Arxitekturasının yenidən nəzərdən keçirilməsi", "Ukrayna Müharibəsi: Dünya Nizamı üçün nə deməkdir?", "BMT-nın reforması", "Qlobal Səhiyyə İdarəçiliyi", "Azərbaycanın Avropa enerji təhlükəsizliyində oynadığı önəmli rol" kimi mövzular müzakirə edilib.

Toplantının işində Yunanıstanın sabiq Xarici işlər naziri Dora Bakoyannis, İsrailin sabiq Xarici işlər naziri Tzipi Livni, Ukraynanın sabiq Birinci tanımı Katerina Yuşşenko, Ərəb Liqasının sabiq rəhbəri Amr Musa, Belçikanın sabiq Baş naziri İv Leterme, Bolqarıstanın sabiq Prezidentləri Rozen Plevneliev və Petar Stoyanov, BMT Baş Assambleyasının 73-cü Prezidenti Maria Espinoza, Xorvatiyanın sabiq Prezidentləri Kolinda Grabar Kitarovic və İvo Yosipoviç, Bosniya və Herseqovinanın sabiq Prezidenti Mladen İvaniç, Moldovanın sabiq Baş naziri Kiril Qaburiçi, Mərkəzin Həm-sədri İsmayıl Seragəldin, Mərkəzin baş katibi Rövşən Muradov, baş katibin müavini İlahə İbrahimli, Gürcüstanın sabiq Baş nazirin müavini Eka Tkeşelaşvili iştirak edir.

O cümlədən Mərkəzin Həm-sədri, Latviyanın sabiq Prezidenti xanım Vayra Vike-Freiberqa, Ümumdünya Səhiyyə Təşkilatının Baş Direktoru Tedros Adhanom Ghebreyesus və İngiltərənin sabiq Baş naziri Qordon Broun onlayn formatda muzakirələrə qatılmışdılar.

Mərkəzin Həm-sədri xanım Vayra Vike-Freiberqa II Dünya Müharibəsindən sonra dünyanın yaşadığı ən çətin bir vaxtda Mərkəzin fəaliyyətinə, Ukrayna, Ümumdünya Səhiyyə Təşkilatına və digər yardıma ehtiyacı olan ölkələrə göstərdiyi dəstək üçün Azərbaycan Respublikasının Prezidentinə xüsusi təşəkkürünü bildirmişdir.

Tədbir iştirakçılarına müraciətində İngiltərənin sabiq Baş Naziri Gordon Broun bildirib: "Dünyada bu qədər parçalanmaların olduğu halda belə, Nizami Gəncəvi Beynəlxalq Mərkəzinin xüsusi rolu var. Biz dialoq üçün çalışmalıyıq və insanlar zorakılıqla bir-birindən uzaqlaşdırıldıqda belə, onları bir araya gətirməyə çalışmalıyıq.

Biz heç vaxt qorxudan hərəkət etməməliyik, lakin heç vaxt hərəkət etməkdən qorxmamalıyıq və hətta köhnə körpülər uçurulduqda belə, biz Nizami Gəncəvi Beynəlxalq Mərkəzində körpülər qurmağa çalışmalıyıq. Bu böyük beynəlxalq mərkəzi canlandıran inamı təkrar edirəm - ortaq Avropa taleyi, ayrılmaz Avropa layihəsi və uzaq qərbdən uzaq şərqə hamımızın üzünə açıq olması lazım olan ümumi Avropa evimiz var".

Məqalədə:
Xəbər lenti

Xəbər lenti