GUAM-ın beynəlxalq təşkilata transformasiyası məsələləri Nyu-Yorkda Gürcüstan, Ukrayna, Azərbaycan və Moldova parlament başçılarının görüşündə nəzərdən keçirilib.Diplomatik mənbələrdən Trend ə məlum olub ki, forumda GUAM-ın bütün dörd ölkəsinin parlament rəhbərləri iştirak edib.
Görüşün iştirakçıları bu prosesin zərurəti barədə eyni mövqe bildirib.Azərbaycan Milli Məclisinin sədri Murtuz Ələsgərov GUAM ilə digər ölkələrin sıx əlaqələri və təşkilata cəlb edilməsi məsələsində dəstəyi qeyd edib.
Bundan başqa, iclasda parlamentlərin təhlükəsizlik sahəsində, o cümlədən GUAM üzvü ölkələrinin ərazisində münaqişələrin nizama salınmasında rolu, Avropa strukturuna inteqrasiyaya yönəldilmiş vahid yanaşmalar və hərəkətlərin əlaqələndirilməsinin işlənib-hazırlanması zərurəti, Avro-Atlantik qurumlarla inteqrasiya və tərəfdaşlığın inkişafı, digər beynəlxalq təşkilatlarla əməkdaşlıqı kimi məsələlərə toxunulub.GUAM Parlament Assambleyasının fəaliyyəti prinsiplərinə xüsusi diqqət ayrılıb.Görüşdə bu təşkilata açıq mühitin yaradılması zərurəti vurğulanıb.
GUAM parlamentarilərinin görüşü parlament başçılarının İkinci ümumdünya konfransı çərçivəsində keçirilir.Regional birlik parlament başçılarının növbəti görüşü gələn il keçiriləcək.
