Pasientlərin hüquqlarını qoruyan qanun qəbul edilməlidir. Trend xəbər verir ki, bu barədə Böyük Quruluş Partiyasının sədri, millət vəkili Fazil Qəzənfəroğlu bildirib.
Millət vəkili bildirib ki, inkişaf edən ölkələrdə səhiyyə sahəsi ilə bağlı 50-ə yaxın qanun qəbul edilməlidir: "Ancaq bizdə bu rəqəm 10-12-dir. "Əhalinin sağlamlığı haqqında" ümumi qanın içində biz pasientlərin hüququnu nəzərdə tutmuşuq". F.Qəzənfəroğlu deyib ki, özəl və dövlət tibb müəssisələrində pasientlər haqsızlıqlarla üzləşdiyindən onların hüquqlarının qorunması ilə bağlı ayrıca qanunun qəbulu zəruridir.
Millət vəkili onu da vurğulayıb ki, dövlət büdcəsindən səhiyyə sisteminə ayrılan 4 faiz vəsait də azdır: "Qonşu ölkələrdə bu rəqəm çoxdur. Səhiyyə xərcləri Ümumdünya Səhiyyə Təşkilatının tələb etdiyi 5 faizdən az olmamalıdır".
