ADP-nin Qurultaya hazırlıq üzrə Təşkilat Komitəsi partiyanın lideri Rəsul Quliyevə məktub göndərib. Bu barədə Trend ə ADP-dən məlumat verilib.
Məktubda partiyada yaranmış böhranlı vəziyyətin stabilləşdirilməsi, əlavə gərginliklərin yaradılmaması, konfliktin eskalasiyasının qarşısını almaq üçün partiya liderinə təkliflər verilib.
Qeyd edək ki, ADP Ali Məclisinin 27 yanvar tarixdə çıxardığı hakimiyyətlə dialoq qurulması barədə qərarı Rəsul Quliyev tərəfindən dəstəklənməyib və bundan sonra o, birinci müavini Sərdar Cəlaloğlu başda olmaqla bir qrup funksioneri vəzifəsindən azad edib. Bu qərarı tanımayan S.Cəlaloğlu və tərəfdarları isə R.Quliyevin mövqeyini dəstəkləyən Ali Məclisin sədri Akif Şahbazovu vəzifəsindən xaric ediblər.
