Azərbaycan və Mərakeş dörd sənəd imzalamqla hüquq sahəsində əməkdaşlığı genişləndirir. İkitərəfli sənədlərin layihələri Azərbaycan ədliyyə nazirliyinin nümayəndə heyətinin Mərakeşə səfəri zamanı razılaşdırılıb.
Azərbaycanın Mərakeşdəki səfirliyinin məsləhətçisi Anar Mədətlinin Trend ə verdiyi məlumata əsasən, bu gün ədliyyə nazirliyinin beynəlxalq əməkdaşlıq idarəsinin rəhbəri Zavər Qafarovun başçılıq etdiyi Azərbaycan nümayəndə heyətinin Mərakeş tərəfi ilə başa çatmış danışqlar zamanı "Ekstradisiya haqda", "Vətəndaş və ticarət işlərində hüquq yardımı haqda", "Cinayət işlərində hüquq yardımı haqda" sazişlərin ilkin layihələri və "Azərbaycan və Mərakeş nazirlikləri arasında əməkdaşlığı haqda" razılıq razılaşdırılıb.
Mərakeş ədliyyə nazirliyinin baş katibi M.Lididi ilə görüş zamanı bu sahədə iki dövlətin əməkdaşlıq perspektivləri müzakirə olunub. Danışıqların nəticəsində protokol imzalanıb. Razılaşdırılmış sənədlərin imzalanması ekspert qrupunun Bakıya növbəti səfəri zamanı nəzərdə tutulub.
