Azərbaycan, Bakı / Trend müxbir E.Hüseynli/ Azərbaycanın Binəqədi rayon Dövlət Yol Polis Şöbəsinin rəisi Elçin İsgəndərov cümə günü bildirib ki, mayın 10-dan 11-nə keçən gecə saat 01:00 radələrində Bakının Xırdalan-Binəqədi yolunun 4,5 kilometrliyində 1962-ci il təvəllüdlü Sumqayıt şəhər sakini piyada Elbrus Rüstəmzadəni naməlum avtomobil vurub və sürücü hadisə yerindən yayınıb. Onun sözlərinə görə, hadisə nəticəsində piyada yerindəcə həlak olub.
Hazırda hadisə ilə bağlı sürücü barəsində axtarış elan edilib.