Azərbaycan, Bakı, 25 yanvar / Trend , müxbir K. Zərbalıyeva/ Yanvarın 28-də Korrupsiyaya qarşı BMT Konvensiyasını ratifikasiya etmiş üzv ölkələrin Konfransının ikinci sessiyası keçiriləcək.
Ali Məhkəmədən cümə günü Trend ə bildirilib ki, fevralın 1-dək İndoneziyada keçiriləcək tədbirdə Azərbaycanı, Ali Məhkəmənin sədri Ramiz Rzayevin sədrliyi ilə, Milli Məclisin, Baş prokurorluğun və Ədliyyə Nazirliyinin əməkdaşlarından ibarət nümayəndə heyəti təmsil edəcək.
Hər il keçirilən sessiyada BMT-nin Korrupsiyaya qarşı Konvensiyasının icrası, ölkələrin qarşılıqlı əməkdaşlığı ilə bağlı məsələlər müzakirə olunacaq.
Sessiyada Azərbaycan nümayəndə heyətinin korrupsiya ilə mübarizə istiqamətində görülən işlər barədə çıxışı nəzərdə tutulub.