...

Azərbaycanlı deputatın oğlunun məhkəməsində insident olub

Cəmiyyət Materials 23 Dekabr 2008 17:44 (UTC +04:00)

Azərbaycan, Bakı, 23 dekabr / Trend , müxbir K. Zərbalıyeva/ Azərbaycanın müxalif Ədalət Partiyasının sədri, millət vəkili İlyas İsmayılovun oğlunun çərşənbə axşamı Rusiyada keçirilən məhkəmə prosesində qanun pozuntularına etiraz olaraq, vəkil məhkəmə zalını tərk edib. Bu barədə çərşənbə axşamı telefonla Trend -a Etimad İsmayılovun vəkili Vladimr Boqomolov məlumat verib.

Etimad İsmayılov 2008-ci il martın 25-də gecə Moskvadan Bakıya gələrkən Rusiya Federal Təhlükəsizlik Xidmətinin əməkdaşları tərəfindən Domodedovo hava limanında saxlanılıb. İsmayılova qarşı Rusiya Cinayət Məcəlləsinin dələduzluq (159.4) və çirkli pulları yuyulması (274/1 4-cü hissəsi) maddələri ilə ittiham irəli sürülüb.

İsmayılovun məhkəməsi Rusiyanın Çelyabinsk vilayət məhkəməsində aparılır.

Vəkil bildirib ki, hakim təqsirləndirilənə sübutlarını təqdim etməyə imkan verməyib. Boqomolov

hakimin Rusiya Cinayət-Prosessual qanunvericiliyinin pozduğunu bildirsə də, məhkəmə ona danışmağa icazə verməyib.

Boqomolov hakimin bu hərəkətinə etiraz olaraq məhkəmə iclasını tərk edib.

Məqalə müəllifi ilə əlaqə ünvanı:[email protected]

Xəbər lenti

Xəbər lenti