Azərbaycan, Bakı, 24 aprel / Trend , müxbir A.Hüseynbala/ 19 yaşadək qızlardan ibarət yığma komandalar arasında Avropa çempionatının ikinci seçmə mərhələsində Azərbaycan U-19-u ilk oyununu qələbə ilə başa vurub.
Trend -un məlumatına görə, komandamizin rəqibi qrup oyunlarına ev sahibliyi edən Portuqaliya yığması olub. Komandamız Anna Atayeva və Nərminə Rzayevanın vurduğu qollar sayəsində 2:0 hesabı ilə qalib gəlib.
Qrupun digər oyununda Fransa U-19-u uelsli həmyaşıdlarını 4:1 hesabı ilə məğlubiyyətə uğradıb.
Yığmamız növbəti oyununu aprelin 25-də Bakı vaxtı ilə saat 20:00-da Uels komandasına qarşı keçirəcək.
Məqalə müəllifi ilə əlaqə ünvanı: [email protected]