Azərbaycan, Lənkəran, 22 may / Trend , müxbir P.Əliyeva /
Azərbaycanın cənubunda yerləşən Lənkəran rayonunda (paytaxt Bakıdan 270 kilometr aralı) bu il vərəm xəstəliyindən 3 nəfər dünyasını dəyişib.
Lənkəran rayonlararası Ağ Ciyər Xəstəlikləri Dispanserinin baş həkimi Nurəddin Qurbanov Trend -a bildirib ki, Lənkəranda ümumi qeydiyyatda olan 1450-yə yaxın vərəmli xəstələrin 65 faizini kişilər təşkil edir.
Onun sözlərinə görə, cari ildə bu günədək 169 xəstə qeydiyyata alınıb. Bu da ötən ilin müvafiq dövrü ilə müqayisədə 25 nəfər çoxdur.
Qurbanov bildirib ki, rayonda fəal aktiv xəstələrin sayı 350-dir. Onlardan da 76-si vərəm mikrobakteryaları+ (VMB+) daşıyıcısıdır.
Baş həkim deyib ki, bu xəstəliyə yaşlı adamlarda daha çox rast gəlinirdisə, hazırda xəstələrin 70-80 faizini 25-35 yaşlarında olan gənclər təşkil edir. Baş həkim bunu onların narkoman və SPİD daşıyıcıları olmaları ilə izah edib.
Hazırda dispanserdə 27 nəfər stasionar müalicə alır ki, onlardan 6-ı qadındır.
Baş həkim cari ildə 6600 uşağa mantu sınağının qoyulduğunu, 96 virajlı uşaq (həyatında birinci dəfə yoluxma) aşkar olunduğunu söyləyib. Aparılan müayinələrdən sonra uşaqlar iki aylıq kimyəvi profilaktik müalicəyə cəlb ediliblər.
Məqalə müəllifi ilə əlaqə ünvanı: [email protected]
