Azərbaycan, Bakı, 14 aprel /Trend, müxbir H.Bağırov/
İrandan Azərbaycana qaçaqmalçılıq yolu ilə narkotik vasitə gətirməkdə ittiham olunan şəxslərə hökm oxnub.
Trend-in məlumatına görə, bu gün Ağır Cinayətlərə Dair İşlər üzrə Məhkəmənin hokum ilə Azərbaycan vətəndaşları İlham Arif oğlu Ələkbərov 15 il, Zamin Xudasat oğlu İmanov 15 il, Valeh Telman oğlu Fətullayev 13 il müddətinə azadlıqdan məhrum ediliblər.
Təqsirləndirilən şəxslər Cinayət Məcəlləsinin qaçaqmalçılıq (206.4), narkotik vasitələri, psixotrop maddələri və ya prekursorları hazırlama, istehsal etmə, əldəetmə, saxlama, daşıma, göndərmə və ya satma (234.4.1, 234.4.3) maddələri ilə ittiham ediliblər.
2009-cu ilin noyabrında Milli Təhlükəsizlik Nazirliyinin əməkdaşları tərəfindən keçirilmiş çevik əməliyyat-axtarış tədbirləri nəticəsində təqsirləndirilən şəxslər həbs ediliblər. Onlardan 50 kiloqramdan artıq həşiş və 5 kiloqrama yaxın tiryək aşkar edilərək götürülüb.
